Беларускае аб'яднаньне студэнтаў” зацьвердзіла новы лягатып фэстывалю “Басовішча”. З усіх дасланых на конкурс варыянтаў быў абраны той, які зрабіў вядомы паэт і дызайнэр Міхал Анемпадыстаў.
Па словах старшыні “Беларускага аб'яднаньня студэнтаў” Радаслава Дамброўскага, усяго на конкурс было даслана каля 10 варыянтаў новага лягатыпа. “Але няшмат зь іх адпавядалі атмасфэры “Басовішча” і той варыянт, які даслаў Анемпадыстаў падаўся нам самым лепшым”, - кажа Дамброўскі.
Міхал Анемпадыстаў распавёў пра ідэю, якая натхніла яго менавіта да таго варыянта, які быў зацьвержаны. “На лягатыпе намаляваныя дрэвы. Гэта таму, што “Басовішча” – лясны фэст. Мне хацелася ў графіцы перадаць працэс росту гэтых дрэваў, бо разам з “Басовішчам” растуць і яны”, - кажа Міхал Анемпадыстаў. Колькасьць дрэваў (а іх на новым лёга два) Міхал тлумачыць так. “Гэта не выпадкова, два дрэвы – сымбаль таго, што беларуская нацыя знаходзіцца па два бакі мяжы: хтосьці жыве ў Беларусі, а хтосьці, нарадзіўшыся ў Польшчы, разумее, што ён этнічны беларус”.
Лягатып “Басовішча” зьмяняецца кожны год. “Беларускае аб'яднаньне студэнтаў” тлумачыць гэта тым, што яшчэ ніводнага разу не зьяўлялася такога варыянту, гледзячы на які кожны сказаў бы, што ён назаўсёды. “Але варыянт Анемпадыстава прымусіў нас зьмяніць звыклае стаўленьне. Прынамсі, калі на наступныя фэстывалі мы не захаваем менавіта гэты лягатып, то 100% пакінем графічнае напісаньне назвы “Басовішча”, якое прапанаваў Міхал”, - сказаў Радаслаў Дамброўскі.
Практыка правядзеньня конкурсу на лягатып фэстывалю “Басовішча” зьявілася летась. У 2006 годзе перамог варыянт, які запрапанавала рэклямная група “Аdлiга”. Сёлета, як і ў мінулым годзе, пераможца конкурсу на лепшы лягатып атрымае ў якасьці ўзнагароды 620 польскіх злотых (крыху болей за 200 даляраў).
Тым часам, працягваецца прыём заявак ад маладых гуртоў на ўдзел у конкурсе “Басовішча 2007”. З умовамі да заявак і патрабаваньнем да матэрыялу можна пазеаёміцца на адмыслова створанай старонцы - http://music.fromby.net/bas/
Даведка.
“Басовішча” (Basowiszcza) – фэстываль музыкі маладой Беларусі. Праводзіцца штогод з 1990.
Арганізатар: “Беларускае аб’яднаньне студэнтаў” у Польшчы. Старшыня – Радаслаў Дамброўскі.
Каардынатар зь беларускага боку (2007 г.): Аляксей Мінчонак (тэл. 627-07-91)
Інфармацыйныя партнэры: музычны партал “Тузін Гітоў” (www.music.fromby.net), праект Generation.by (www.generation.by).
У “Басовішча 2007” зьявіўся лягатып
Модератор: chinaski
-
Eduard
- Ветеран
- Сообщения: 1830
- Зарегистрирован: Вс сен 12, 2004 6:58 am
- Откуда: DJ's TRIP-HOP team
- Контактная информация:
Распачалося І-нэт галасаваньне - адбор на Басовішча!
Галасуем за РоСтру тут: http://music.fromby.net/bas/
Галасаваць можна кожны дзень
Галасуем за РоСтру тут: http://music.fromby.net/bas/
Галасаваць можна кожны дзень
Последний раз редактировалось Eduard Чт июн 07, 2007 4:24 pm, всего редактировалось 1 раз.
Worldwide dj's TRIP-HOP team
